Nada que celebrar, moito que reivindicar

Nun día como o de hoxe so desexo deixar constancia de que eu non me sinto representado polo texto constitucional aprobado polas cortes da transición, por negar o dereito fundamental á autodeterminación dos pobos. Galiza é unha nación e como tal, das mans da cidadanía, temos que atravesar un longo camiño de pedra cara á Soberanía.

Ramón Cabanillas, En Pé!

¡Irmáns! En pé, sereos,

a limpa frente erguida,

envoltos na brancura

da luz que cai de riba,

o corazón aberto

a toda verba amiga,

e nunha man a fouce

e noutra man a oliva,

arredor da bandeira azul e branca,

arredor da bandeira de Galicia,

cantémo-lo dereito

a libre nova vida!

Validos de treidores

a noite da Frouseira

á patria escravizaron

uns reises de Castela.

Comestas polo tempo,

xa afloxan as cadeas…

¡irmáns asoballados

de xentes estranxeiras,

ergámo-la bandeira azul e branca!

¡E ó pé da enseña da nazón galega

cantémo-lo dereito

a libertar a Terra!

¡Irmáns no amor á Suevia

de lexendaria historia,

¡en pé! ¡en pé dispostos

a non morrer sin loita!

¡O día do Medulio

con sangue quente e roxa

mercámo-lo dereito

a libre, honrada chouza!

¡Xa está ó vento a bandeira azul e branca!

¡A oliva nunha man, a fouce noutra,

berremos alto e forte:

“¡A nosa terra é nosa!”

Algúns comunicados emitidos por mor desta data e a prol da autodeterminación:

BNG: "A constitución española non lle serve a Galiza: precisamos soberanía."
ANOVA: "Liberación nacional e social son indisociábeis nunha nación sen estado."
CAUSA GALIZA: "Reclamamos un marco xurídico-político democrático para Galiza no 34º aniversario da imposición da Carta Magna española."
ISCA: "6-D: esta non é a nosa Constitución."
AMI: "A constituiçom espanhola encadea Galiza"
NÓS: "Por umha Constituiçom galega, republicana e socialista: Fora a espanhola, monárquica e capitalista"